همسات شاب محظور

بحلم على قد الحال
بوطني راسي جوه كلمة فموال
اتسلطن واستوطن فيه والعيشة تبقى عال

 - - - - - - - - - - - -

وحشتنا أيام زمان أيام ما كنا وكان
بقينا نتجمع اشباح وارواحنا في كل مكان

بس الرك مش ع البني آدم ده ع الإنسان

الي بيحس ويغير ويحب الأرض والمكان

ويلعن المزمون والمتزن والزمان

مهو أصله الرك ع الإنسان
عنده عقل ميزه عن الحيوان
لما يمشي ورى قطيع التوهان
ويدمر ويخون الي جنبة في البنيان
ما قلنا الرك ع الإنسان

- - - - - - - - - - - -

فيها ايه لو كانوا سمعوا الكلام
مهو ده إسلام وده كمان إسلام
مش لازم اهتف بشعارات ثورية حماسية
قد ما يكون بالكلام الي بقوله التزام
والالتزام من غير الوعي الديني اهو كلام
 والشباب توت في الشعار والكلام
مهو غاب القدوة عنهم فالي يسمعوه هيقولوا يا سلام

- - - - - - - - - - - -

حوش شوف هات اتفرج على الي مات
قتلوه بحجة انهم معادوش إخوات
شرعية وشريعة وخد من ده كلمات

مبنسمعش فالآخر غير الآهات
مهو الضنى غالي ومفيش بعد اه الأمهات
ده اخواني او فل وتكتر فالأوأوه افهم يا غبي ده مات
لو كنت مش حاسس او متحمس يبقى كلامك سكات
او تتمنى ترجع بينا الساعات

- - - - - - - - - - - -

حلمي كان بوطن كلنا واحد فيه

الي يبيعني مش ابيعه بس, ده انا اموت واشتريه

خلاص مليت الكلام والتلميح لكل ما بيه

هقول ايه عن ارض عشت وتربيت عليه

انا مش شاعر! ومعرفش كتبت كده ليه؟

هو الي هنعمله في الناس هيطلعه الحظر علينا ولا ايييييييييييييييييه؟